సిగ్గు లేని తనం

                                 

                                       సిగ్గు లేని తనం 



                            

                             నిస్సిగ్గుగ , తన సిగ్గును 
                             జనమంతా చూస్తున్నా 
                             పడతి కొంగు తప్పించెను 
                             పసి నోటికి పాలివ్వగ 
                            సిగ్గులేనితనం , అమ్మగొప్పతనం 
                            సిగ్గు లేనిజనం ,ఎంత  సిగ్గులేనితనం 

                                                  

                                                                  సు.త // 

కన్నులు

                                                                 కన్నులు


                             కమలముల వంటి  కన్నులు, పతి 
               చేతను పాము చూసి భయ విహ్వలయై 
               మరు   నిమిషము   పతిని   పొగడ 
               టప టప లాడించె  రమణి  ఆశ్చర్యంబై 

                                                             
                                                                  సు.త //

                           




                          

కనకదుర్గమ్మ

కనకదుర్గమ్మ


               
                  ప :               కొండను   కొలువై    వుందిరా
                                 
                                      అదిగో   మాతా      శాంభవిరా

                                      అండగ         ఉండెదనందిర
                               
                                     భక్తుల   పాలిటి       అమ్మరా

                           మన     శ్రీ     కనకదుర్గమ్మరా                        కొండను:



               1చ:                సకలచరాచర   మది     చరిత

                                    దుష్టులపాలిటి    మృత్యులత

                                     అగణిత గుణముల ప్రజ్వలత

                శంకరి   శుభకరి     ఘనచరిత                                కొండను:


              2చ :               ఆశ్రితులను   తన    వారిగ ఎంచి

                                    కొలచినకొలది        కరుణించి

                                    భక్తుల  మొరలను        ఆలించి

               లోకాలను             చల్లగ పాలించే                              కొండను:


             3చ :                విధాత    తలపున        విజ్ఞానం

                                   శ్రీ హరి కే     తరగని      వైభోగం

                                    పరమేశునిశక్తికె     సగ   భాగం

          ఈ సృష్టికి అమ్మే     కదమూలం                                       కొండను:

ఓటు

                                       



                                              ఓటు 




కలోగంజో తాగి బతికే పేద బతుకులకెందుకోటు 

కోట్లు తినుటకు ఓట్లు అడిగే బడాబాబుల నోట్లకేలే 

నిరాశ ఆశలమధ్య నలిగే  బడుగుజీవులకెందుకోటు 

మధ్య మధ్యన మద్యమైనా దొరుకుతుందని ఆశతోనే 

ఉన్నవారికి కోట్లు ఉండగ ,ఓట్లపీడ వారికెందుకు 

బొక్కసంలో డబ్బులన్నీ పరులచేతికి చిక్కకుందుకు 

విలువతెలియని వారి ఓటు రాజ్యమేలే మేటిసీటు 

మేధావులంతా కాదుమనదనికళ్ళుమూసుకుఊరుకుంటే 

ఊరకుక్కలు రాజులై, రారాజులై 

రాజ్యమంతా మారిపోవును చిరిగి పోయిన విస్తరై 


                                           

                                                          సు.త //