31, డిసెంబర్ 2014, బుధవారం

హ్యాపీ న్యూ ఇయర్

                                                   
                                                                                  2015





                      ఎటు చూసిన     ఆనందం      ఎద పొంగిన ఉత్సాహం

                      మదికోరెను  విన్నూత్నం  మరుపాయెను క్షణకాలమ్

                      చిందించెను    మందంతా       మగవారలు రాత్రంతా

                      చేసితివన    ఘనకార్యం       ఆపితివన చెడు కాలం

                      వస్తుండెను పోతుండెను యుగమన్నది బరువాయెను

                      మనిషిలోని    మనసంతా       ఎండమావితీరాయెను

                      కాంతివేగమింతేయని        అంతకన్న    వేగమనుచు

                      అరుణారుణ  కాంతులన్ని అందించెను  శక్తి అనుచు

                      ఎంత పురోగతిని    నీవు     సాధించిన    ఏమాయెను

                      సాటిమనిషి   బాగోగులు  వీసమైన     చూడ లేవు

                      ఏమైనా     ఓ నేస్తం  ,            రాబోయే కాలానికి

                      మనిషి విలువ పెంచుకుంటు  మనసుతోన నడుచుకుంటు

                      సుస్వాగత   గీతమ్మును   కలసిమనం     పాడుదాం .



                                                                                                                   

                                                                                                                      సు.త /







29, డిసెంబర్ 2014, సోమవారం

teasing




                                           కనులకు   ఎది   ఎదుటపడిన

                                          తనదని  తెగ  వలచి    మురిసి

                                          ఇకిలింపంగా , కాలికి చెప్పులు మిత్రులు

                                          గమ్మత్తుగ  చేయి చేర  మోమె  మారెన్ . 

26, డిసెంబర్ 2014, శుక్రవారం

చెలి

                                   అందం   అంటే       ఆనందం
                             
                                  ఆనందించటమే       అందం

                                  నలుపో  తెలుపో     తప్పో ఒప్పో

                                  నిను   చూస్తుoటె     ఆనందం   |

                           

                                  చీకట్లో  చీకటిలా   కలిసిపోతావు

                                  కాని  కళ్ళల్లో  మెరుపులతో  మెరిసిపోతావు

                                  నా    చెలి    నల్లబంగారం

                                 దానికెందుకు      వృధా  సింగారం   |


                                  కారుమేఘమున     ఓ మెరుపు

                                 కోకిల నలుపున    స్వర మెరుపు

                                 నా చెలి తలపున    ఎది మెరుపు

                                  ప్రేమనేదే             కొసమెరుపు  . |



                                                                                               సు మ /

23, డిసెంబర్ 2014, మంగళవారం

అ హం

                                           
                                          అ హం 




                                     అహము   వీడవలెను    నరులారమీరంచు

                                     నీతులన్ని   చెప్పి       నిక్కమ్ము  లెరిగించి

                                     కడకు  పాదపూజ     పలుమారు  చేయించె

                                     ఇంత  తెలిసి గురుడు   అహము   వీడలేక .


                                                                                                                    సు .త /

19, డిసెంబర్ 2014, శుక్రవారం

ఉదయం

                 


                   కోయిలమ్మలు   గొంతు     సవరించుకొను వేళ

                    విరుగబూసిన     కలువ     సోలిపోయేవేళ

                    నదులు గలగల   చేసి      పరవశించే వేళ

                     చెంగు చెంగున   ఎగురు లేగలను చూసి

                    గోమాత ప్రేమతో     పాలు   కుడిపేవేళ

                   కలల  కౌగిలవీడి   కాంత   వాకిలి చేరి

                    అలసిసొలసిన మేను  ఒక సారి  విదిలించె

                   కవుల కావ్య కల్పనకు అందని చిత్ర జగత్తువలె

                   ఇంత ముగ్ద మనోహరమో ప్రకృతి కాంత చూడ

                   ఆలసించిన పోవు      ఆనంద సమయమని

                    ఉదయాద్రి పై నుండి   ఉరికె        రవి తేజంబు .




                                                                                                సు . త  /


17, డిసెంబర్ 2014, బుధవారం

నలుపు

                                  నేనే నలుపని చిన్నబోనేల                                                                           ధవళపరీవృత జనంబులోన
                                  ధగద్ ధగ లీను రత్నముల్ మధ్య
                                  నీలము కూడ మేలిమి రత్నమై వెలుగు . 
                                                                          
                                                                                         

                                                                                     సు త /

16, డిసెంబర్ 2014, మంగళవారం

బాపు

                                                           బాపు

                                            బాపు . . .    ఏందిరా   బాబూ

                                  ఒకరేమో    దేశానికి      స్వతత్రం తెస్తే 

                         ఒకరేమో   తెలుగుకే    తెలుగుదనం   అద్దారు 

                                  అంటే . . . 

                              గీతను   వంకరచేసి       జాతీయం చేసారు 

                   వనితను వంపుగా చూపి    వారెవ్వా    అనిపించారు 

                               వారెవ్వా . . . క్యాబాత్ హై 
                                     

                      బొమ్మచేసి   బ్రహ్మ వేస్తె      సలాం సలాం 
                                       

                 ఆ  బొమ్మ    బాపూ  బొమ్మ    అయితే    గులాం గులాం 
                                         

                                 బాపూ నా  . .      మజాకా 
                                       

                          బాపూ  అంటే  . .బాపూ  నే 
                                       

                                       తెలుగు  . . బ్రహ్మ . 
                                                          

                                                                                                                                                          సు. త /

12, డిసెంబర్ 2014, శుక్రవారం

ఓం న మః శ్శి వాయ





   ప :           కైలాసవాసా. .   శివశంకరా

                   శంభోహరా. .    హర   గంగాధరా. .

                  కరుణాంతరంగా. .   మముకావరా

                    పూజింతుము నిను పరమేశ్వరా. .                      కైలాస :

  
 1చ :        అలనాడు గరళము    త్రాగావుట

                  లోకాలను రక్షిo చావుటా

                కాలునిఅడ్డి  బాలుని బ్రోచి

                  చిరంజీవిగా    చేసావుటా                                      కైలాస :

                           

  2చ:       ఆది బిక్షువు     నీ  వై   నా

              అందరికీ   నిధి    నీవే న టా

             నిరతము ధ్యానం   లో   వున్నా

               జగతిని  చల్లగ     చూ సే  న ట                        
                                         
               ఈ  జగతిని చల్లగ  చూ సే న ట                         కైలాస :
                     

 3చ:       సరసన  గౌరీ     సగమైనది

                శిరసే గంగా    నెలవైనది

               ఒడిలో   కొమరుల   జంటున్నది

               ఎదురుగ నందీ     వేచున్నది                                కైలాస :

                                               
                                                     

11, డిసెంబర్ 2014, గురువారం


16, నవంబర్ 2014, ఆదివారం

శిశోదయం

  శిశోదయం          




               ఏమిటో . . . . అంతా అయోమయంగా ఉంది

               చుట్టూతా . . . హడావుడి

               కడుపులో ఆకలి దంచేస్తోంది

               ఏడుపు . .    ఆగట్లేదు

               అపుడే  . .  ఓ చేయి నన్ను నిమిరింది

               నా నోటికి   అమృతభాండాన్ని అందించింది

               అబ్బ.  .   నా కడుపు నిండింది . .

               అపుడు చూడటం మొదలుపెట్టాను . . ఆ దేవతని

               బొజ్జ నిండిందా నా కన్నా అంది . . మా అమ్మ . . ఓ ముద్దెట్టి

                ఈ లోపల ఎవరో . . నాకేసి చూపించింది. .  సిగ్గుపడుతూ


                అపుడు నాకు ఇంకో ముద్దు . . . వెంటనే మా అమ్మకు , 

               అపుడంది అమ్మ . . నాన్నరా అని

  ఇపుడు నా కడుపే కాదు . . మనసు కూడా నిండింది           



                                   ఆనందంగా