పగలు - రాత్రి

                                               పగలు   - రాత్రి 

   పగలు సెగలు రగులు  గుణం
   భాధపడుచు అహొ జనం
   అపు డపుడు అ భోజనం
  రాతిరైన అనుకుంటే
  రాతనీకు లేదంటు
  కుట్టి కుట్టి కుళ్ళ బొడుచు
 చూడు  ఆడ   దోమ
 కునుకు రామ రామ . 

                                 సు . త //

అమరావతి

                  

                            అమరావతి 

         అరవిరిసిన మొగ్గవలె అందాలను చిందింపగ 

         మనదను ఘన భావనతో అందరముపనిచేయగ

         రాతిగుండెలన్నికూడ,  చూసి , కళ్ళు తేలేయగ

         వలదని తెగగోలపెట్టు వారలచే   భేషనగ

         తిరిగొచ్చెను అమరావతి గత వైభవ దీప్తులతో 

       

         కృష్ణా తీరమున ఆంధ్రా హృదయమున 

        సురులే భేషనేల  వెలయును అమరావతి 

        చంద్రుని కనుసన్నలలో ఇంద్రుని మది మెచ్చేలా 

        మిలమిలమని మెరయునులె అమరమై అది 

                                                         

                                                        సు.త // 

         

            

సిగ్గు లేని తనం

                                 

                                       సిగ్గు లేని తనం 



                            

                             నిస్సిగ్గుగ , తన సిగ్గును 
                             జనమంతా చూస్తున్నా 
                             పడతి కొంగు తప్పించెను 
                             పసి నోటికి పాలివ్వగ 
                            సిగ్గులేనితనం , అమ్మగొప్పతనం 
                            సిగ్గు లేనిజనం ,ఎంత  సిగ్గులేనితనం 

                                                  

                                                                  సు.త // 

కన్నులు

                                                                 కన్నులు


                             కమలముల వంటి  కన్నులు, పతి 
               చేతను పాము చూసి భయ విహ్వలయై 
               మరు   నిమిషము   పతిని   పొగడ 
               టప టప లాడించె  రమణి  ఆశ్చర్యంబై 

                                                             
                                                                  సు.త //

                           




                          

కనకదుర్గమ్మ

కనకదుర్గమ్మ


               
                  ప :               కొండను   కొలువై    వుందిరా
                                 
                                      అదిగో   మాతా      శాంభవిరా

                                      అండగ         ఉండెదనందిర
                               
                                     భక్తుల   పాలిటి       అమ్మరా

                           మన     శ్రీ     కనకదుర్గమ్మరా                        కొండను:



               1చ:                సకలచరాచర   మది     చరిత

                                    దుష్టులపాలిటి    మృత్యులత

                                     అగణిత గుణముల ప్రజ్వలత

                శంకరి   శుభకరి     ఘనచరిత                                కొండను:


              2చ :               ఆశ్రితులను   తన    వారిగ ఎంచి

                                    కొలచినకొలది        కరుణించి

                                    భక్తుల  మొరలను        ఆలించి

               లోకాలను             చల్లగ పాలించే                              కొండను:


             3చ :                విధాత    తలపున        విజ్ఞానం

                                   శ్రీ హరి కే     తరగని      వైభోగం

                                    పరమేశునిశక్తికె     సగ   భాగం

          ఈ సృష్టికి అమ్మే     కదమూలం                                       కొండను:

ఓటు

                                       



                                              ఓటు 




కలోగంజో తాగి బతికే పేద బతుకులకెందుకోటు 

కోట్లు తినుటకు ఓట్లు అడిగే బడాబాబుల నోట్లకేలే 

నిరాశ ఆశలమధ్య నలిగే  బడుగుజీవులకెందుకోటు 

మధ్య మధ్యన మద్యమైనా దొరుకుతుందని ఆశతోనే 

ఉన్నవారికి కోట్లు ఉండగ ,ఓట్లపీడ వారికెందుకు 

బొక్కసంలో డబ్బులన్నీ పరులచేతికి చిక్కకుందుకు 

విలువతెలియని వారి ఓటు రాజ్యమేలే మేటిసీటు 

మేధావులంతా కాదుమనదనికళ్ళుమూసుకుఊరుకుంటే 

ఊరకుక్కలు రాజులై, రారాజులై 

రాజ్యమంతా మారిపోవును చిరిగి పోయిన విస్తరై 


                                           

                                                          సు.త //

అమ్మాయి

                                                      అమ్మాయి 


                    కలుగు పుత్రుడంచు కలలు  కనుచుoదురు 

                    పుత్రి      పుట్టెనంచు       చింత      ఏల 

          ఇంతియే  లేకున్న   ఇజ్జగము    ఉండునా 

                               
                     ఎరుగకా     బ్రహ్మయ్య       సృష్టి చేయ . 


                                                                                                                            సు.త //

దీనులు

                                                              దీనులు 

                                     ఎందెందు చూసినా   కనిపించు  దీనులు 
                        
                         మనసు యొప్పదుకదా  వారి కివ్వగరూక 

                         ఏదొ దొరుకునన్నఆశ  తళుకుమన్న

                         యెంత పోయిన కూడ వగచమన్న . 

                                                                          సు .త //

                                   

తుఫాన్

తుఫాన్ 
                

ఇనుడు ఖిన్ను డయ్యె గుండమ్ము తో నేడు 
కారు  మేఘపు     చెలియ     దారి కాయ 
పూరి గుడిసెల బాధ    ఈవాన జడిలోన 
లేచి   రావేమయ్య      కాంతివంత . 


                                                     సు.త /

తెలుగు న్యూస్

                                        తెలుగు న్యూస్ భార్యా వియోగం 

సతి పోయెను  మతి పోయెను 

కనుల, జలము సిరులాయెను 

కాళ్ళకు అడ్డము  బిడ్డలు,  శవమే పూదండాయెను

జనుల మదిని, కరుణరసం  పొంగిపొరలె, "చేదు",నిజం. 

                                         

                                                          సు.త //





   

ఫుష్కరాలు-3

ఫుష్కరాలు-3

     గౌతమముని  మొరలువిని   జారేను జట   గంగ 

     నలుదిసెల పరుగులిడుతు  అవని సిరులు  పెంచ 

      పుష్కరుడు ,సురులు కలిసె  గురుడు రాశి  చేర 

     పుణ్యముకై  మునకలేసె  పుడమిజనుల  చూడ.  

                                                               సు.త /

పుష్కరాలు 2

గురుడు రాసిని చేర పుష్కరంబయ్యెరా 

సురులు నదులను చేర పవిత్రంబయ్యెరా

నరులు నీటిని వదలి తర్పణం చేయగా  

పితృదేవతలు సంతసం బొంది సద్గతుల్ పొందురా 

                                                   సు.త //

యోగ

ప్రతినిత్య ప్రత్యక్ష దైవంబు గురుడు 

అజ్ఞాన మండించి విజ్ఞాన మెలిగించు సూర్య 

నమస్కారము యోగ విజ్ఞానము ప్రధమ ప్రాధాన్యమున్ 

చేయుడీ అందరున్ ఆరోగ్యమున్ పొంది సంతసంబొందుడీ 

                                                            సు.త //

పుష్కరాలు 1

          
          పుష్కరంబని మునకలేయ 
          కస్మలంబుతొ మనిషి తేల 
           పాపపుణ్యము దేముడెరుగు 
           దురదతో జనమంత పరుగు 

                                                      సు.త /

పరవశం

కురిసింది అమృతము చిరు జల్లుగా 

మురిసింది మానసము మహాజోరుగా 

బీడు వారిన నేల వానధారల తడువ 

ఉర్రూత లూగుతూ వేచి చూస్తుంటే                       కు :

గ్రీష్మ తాపముతోన దాహార్తులై 

జన సమూహములన్ని గగ్గోలు పెడుతుంటె          కు :

ఆ జల్లుకే మొలువ లేలేత పచ్చికలు 

పచ్చనీ చీరనే కట్టుకున్నట్లు గా 

పుడమి రమణీ విలాస సోయగం 

చిత్రకారుని కందని మనోజ్ఞ దృశ్యమై                     కు :

చిరు గాలి  సవ్వడుల తలయూచు వృక్షముల 

నాట్యమ్ము చూస్తె , కోట్లాది మైఖల్సు శివమెత్తి ఆడినా 
సరితూగునా, కోట్లు సరిపోవునా                          కు :

                                                                  సు .త //

కోరికలు

మదిని కోరికలు క్రమ్ముకు ఉంటె , చెదిరిపోవవి మబ్బుల్లా 

చెడ్డవి అయితే గట్టిగా అవి, నిలబడుoటవి, దుర్గంలా 

వాటినిదాటి వెళ్ళాలంటే , చెయ్యాలంట యుద్దంట 

మంచి, చెడ్డ  ఆయుధమంట, నైతికతే  మహాబలంట . 

                                      

                                                       సు.త  / 

  

ముందర

         నిన్ను నీవు ఉద్దరించు ముందర 

         లోకమంటు ఎందుకంత తొందర 

         మాటలోన రాతలోన సోదరా 

         మర్యాద నింప వయ్య ముందర 

         మనిషి విలువ తేలిపే,  మనసనేది ఉంటె 

         ప్రేమనేది పంచవయ్య ముందర 

         అది పంచుతుంది ప్రేమనేది చూడరా 

                          ---------------

        అంజలి స్థాని పుష్పాణి 

       వాసయన్తి కరద్వయమ్ 

       అహొ;సుమనసాం ప్రీతి:

      వామదక్షిణ యో స్సమమ్ । 

  

పోయేకాలం

భాను   దెబ్బకు      ఎండలే మండిపోయే 

దొర (బాబు) ల  దెబ్బకు  ధరలు  పై కెగిరిపోయే 

బి (జె ) పి  దెబ్బకు  రక్తమే   మరిగిపోయే 

పోయేకాలము ,  భూమి  క్రోధాన   కదలిపోయే . 

                                              

                                                                 సు.  త /

నృసింహం

                                                        

                                                        

              హరి వలదను  పలుకొదలని  బుద్ది చే 

           హరి శరణను  క్షణమొదలని  భక్తి  చే 

           అది ఇది యన  వరమొసగిన కర్త  చే

           అధ్బుతమై  అవతరించె నారసింహుడై

                                                              

                                                                  సు .త // 

ఎవరిని జయించాలి

                                                         ఎవరిని జయించాలి 

అది సత్యం మాష్టారి ఇల్లు 

సత్యం మాష్టారు   :       ఆ ... లెక్క అర్ధమయింది  కదా 

                                 జాగ్రత్త గా  వ్రాసుకోండి 

పిల్లలు             :         అలాగే  మాష్టారు 

సం. మా         :          ఏ మోయ్   సరస్వతి  ఓ గ్లాసెడు మంచి నీళ్ళు  తీసుకురా . 

సరస్వతి ( లోపలనుంచి ):           ఆ ... వస్తున్నా 

స. మా          :          ఏరా రవి  నీవు వ్రాయటం లేదే 

రవి               :         నా పెన్ను కనిపించటం  లేదు మాష్టారు 

స . మా        :          ఏరా  అసలునీవు తెచ్చావా 

 ర              :           తెచ్చాను మాస్టారు 

స . మా      :          అందరూ   వెదకండి 

పి             :             లేదు మాష్టారు  

స . మా    :          అయితే  ఎవరో దొంగిలించారన్న మాట 

                   (పిల్లలు     ఒకరి ముఖాలు ఒకరు  చూసుకుంటారు )

స . మా    :      చూడండి    పిల్లలూ  మనం ఏది ఊరికే రావాలని  కోరుకోకూడదు.  

                     కష్టపడి సంపాదించాలి . అపుడే దానికి విలువా గౌరవం ఉంటాయి . 

                     ఉదాహరణకు మనకు ఒక వంద  రూపాయలు దొరికాయనుకోండి ,

                     మనందానిని ఏం చేస్తాం , ఇష్టం వచ్చినట్లు విచ్చలవిడిగా ఖర్చు పెడతాం . 

                     అంటే , సినిమాకు,  చాక్లెట్లకు వాటికి వీటికి అన్నిటికి . 

పి           :       అవునండి 

స . మా   :     పైగా  జలసాలకు అలవాటు పడతాం . దొంగతనాలు కూడా చేస్తాం . చివరకు అందరూ                                            అసహ్యించుకుంటారు . 

పి         :       అమ్మో  

                    

స . మా     :      అదే ఒక రూపాయి కష్టపడి సంపాదించా మనుకోండి 

                       అలా ఖర్చు పెట్టగలమా . 

పి             :       అమ్మో 

స . మా    :      అది  అందుచేత  పెన్ను ఇచ్చే ఆనందం కన్నా దొంగ అనే బాధ బాధిస్తుంది . 

రాము      :      సారీ  మాష్టారు  (ఏడుస్తూ )

స . మా  :    గుడ్   ఏడవకు   , తప్పు తెలుసుకుని  మానేయటం గొప్ప . ఇంకెప్పుడు ఇలా చేయకు . 

సరస్వతి    :    ఇవిగోండి  నీళ్ళు 

స . మా     :   అప్పుడెప్పుడో చెపితే  ఇపుడు పనిచేసిందేమిటే   బుర్ర 

                    ఈ లోపల నాపాటం కూడా అయ్యింది . 

సరస్వతి   :    బాగుంది  మీకంటే  పాటాలు మంచి నీళ్ళ ప్రాయం 

                     ఆ మంచి నీళ్ళే  నా ప్రాణం తోడే స్తున్నాయి . ఎక్కడనుంచో తేవాలి 

                    దొడ్లో పంపు వేయించమంటే  వేయించరు . 

స . మా     :    సర్లే . . . సర్లే   నోరు విప్పితే  మాటలు తూటాల్లా  వదులుతావు 

                     నేనే మన్నా అడ్డదిడ్డంగా సంపాదిస్తున్నానా . అది వేయించాలంటే  ఎంత ఖర్చు . 

సరస్వతి    :    అది సరేగాని పాటాలు చెప్పక ఈ నీతి  కబుర్లేమిటి 

స . మా     :    చూడు  నీకు ఈ పేరు ఎందుకు పెట్టారో గాని  ఒక్క క్లాసు  కూడా చదవలేదు . 

                     విలువలు లేని చదువులు  వలువలు లేని మనుషుల తో సమానం . 

సరస్వతి   :      సర్లెండి   అవేవో  వాళ్లకు చెప్పుకోండి .     నాకు ఇంట్లో పనుంది . 

                            

                                 ---------------------------------------

     ( మాస్టారు పేపరు చదువుతూ వుంటారు )

స. మా      :         కార్గిల్లో  భీకరయుద్దం .  టైగర్ హిల్ల్స్ స్వాధీనం . 21 మంది  పాకిస్తానీయుల హతం .                                             6గురు  మన వారు  వీర స్వర్గం . 

                           ఏమిటో ఈ గొడవలు ఎప్పుడు  ఆగుతాయో 

                           భరతమాత ఎప్పుడు ప్రశాంతం గా ఉంటుందో . 

బంట్రోతు     :       మాస్టారు , శంకరం మాష్టారు  ఈ కాగితాలు మీకిమ్మన్నారు . 

స . మా       :      ఇలా ఇయ్యి 

బంట్రోతు     :        మాస్టారు  ఇందాకటినుంచి చూస్తున్నాను . అక్కడ ఎక్కడో యుద్ధం జరుగుతోంటే  మీరంత                                    బాధపడి పోతారెందుకు . 

స . మా      :     ఎంత మాటన్నావురా , నీ శరీరం లో ఎక్కడైనా చిన్న దెబ్బ తగిలితే  మొత్తం శరీరం దాని గురించే                             బాధ పడుతూ ఎందుకు ఆలోచిస్తుంది . 

బంట్రోతు    :    ఎందు కంటే  ఎక్కడ తగిలినా మనసరీరం లోనే కదా . అందుచేత బాధ మనకు కాకపొతే ఎవరికి 

                     ఉంటుందండి . 

స . మా     :     అలాగే అక్కడ దాని గురించి మనం పట్టించు కో పొతే అది ఇక్కడదాకా వ్యాపిస్తుంది 

                        అప్పుడు ఎవరురా అనుభవించేది . 

బంట్రోతు    :     అబ్బా    నిజమేనండి నేను  మనిషి ఎదిగానండి కాని బుర్ర ఎదగలేదండి 

స . మా     :    దురదృష్ట వశాత్తు మన దేశం లో అదే కరువౌతోంది . ప్రక్కన ఏం  జరిగినా పట్టించుకోకపోవడం ,                               మనదాకావస్తే  బావురుమనటం . ఆ స్వాతంత్ర సమరంలో  ఎంతటి దేశ  భక్తీ , ఎంతటి  త్యాగనిరతీ                           అవన్నీ ఇపుడు  మచ్చుకైనా కనిపించట్లేదు . 

బంట్రోతు    :    నిజమేనండి  ఇంత  చిన్న చిన్న  వాళ్ళు అలా  ప్రాణా లర్పిస్తోంటే    గుండె తరుక్కు పోతోందండి . 

అక్బర్      :      నమస్కారం  మాష్టారు  

స . మా    :       ఎవరూ 

అ          :       నేను  మాష్టారు  ,  మీ ఇంట్లో ఉంచు కొని  10వ తరగతి దాకా  చదివించారూ ,

స . మా     :     ఆ ..ఆ ..   నువ్వా  అక్బర్  ఏం  చేస్తున్నావు 

అ              :       పోలీసు డిపార్టుమెంటు లో  S  . I . . గా చేస్తున్నాను  మాస్టారూ 

స . మా         :     బావుందోయ్ 

అ            :       మీ మతం  కాదని కూడా  చూడకుండా  నన్ను ఆదరించారు  మాష్టారు  . మీ చలవ  లేకపోతె 

                       ఇంత వాణ్ణయే వాణ్ణి కాను . 

స . మా       :     అక్బరూ             మతం కాదు ము ఖ్యం    

                                                 మమతేరా  న్యాయం 

                                                 కాదా     ఇది సత్యం 

                                                 వినకపోతే   వినాశనం 

బంట్రోతు           :     అది  నిజమండి    ఎవరైతే ఏంటి  అందరు సమానమే 

అ                    :     ఇంతకీ  మీ అబ్బాయి ఏం చేస్తున్నాడండి 

స . మా        :     చదువు అయ్యింది  ఏదో  ఉద్యోగం  చేస్తున్నాడు 

అ               :         స్కూల్లో  చెప్పీది  సరిపోతుంది కదండీ ఇంకా కష్టపడటం ఎందుకు మాష్టారు 

స . మా    :      విజ్ఞానం తెలుసుకోడానికి  ఎంత టైంఅయితే సరిపోతుం ది రా  

                      నా విద్యార్ధులకు నాకు తెలిసినది నిరంతరం చెప్పా లన్నదే నా తపన 

అ         :    మీలాంటి వారు ఉండరు మాష్టారు 

                  ఇక ఉంటాను పనుంది మాష్టారు 

స . మా     :    అప్పుడే 

అ          :     ఒక  క్రిమినల్  ను  పట్టుకున్నాము  ఇక్కడ 

స . మా     :        ఇక్కడా , ఉండు  నేనూ   వచ్చి చూస్తాను 

అ            :        మీరా ఎందుకులెండీ  

స . మా     :     పరవాలేదయ్యా 

అ            :       అతనో  క్రిమినల్  మాష్టారు R.D.X  తో పట్టుకున్నాము 

స . మా    :      ఎవరూ . .   .  విశ్వం . . . 

అ         :     చెపితే బాధ పడతారని చెప్పలేదు మాష్టారు 

స . మా    :    నా  కడుపున చెడ  పుట్టావురా 

విశ్వం    :      నాన్నా 

స . మా    :    ఎందుకురా నీకీపని 

వి           :            వాళ్ళు  చాలా డబ్బిస్తా మన్నారు , చెయ్యకపోతే  చంపేస్తామన్నారు 

స . మా      :        ఛీ . . .    ఎదురునిలిచి పోరాడే శ త్రువుకన్నా నీలాంటి వాళ్ళు రా దేశానికి అసలైన శత్రువులు ... 

                         నీచుడా 

 అ      :       మాష్టారు 

     

స . మా      :     అవునయ్యా . . .  మనం  జయించాల్సింది బయటి శత్రువుల్ని కాదయ్యా అంతః శ త్రువుల్ని 

                       ఆశ , మొహం ,  భయం,  . . . వీటిని జయించాలి . 

                       మనం సరిగా ఉంటే ఎవరయ్యా  వచ్చేది ,  ఏం చేస్తారయ్యా  మనల్ని . . ఆ 

వి         :         నాన్నా  తప్పయింది నాన్నా 

స . మా     :     చదువుకాదు రా కావలసింది   సంస్కారం రా 

                       బతుకుతామన్నది కాదు   ఎలా బతుకుతున్నామన్నది  ముఖ్యం 

                    ఛీ . . .  నీ మొహం నాకు చూపించకు . 

అ       :     విశ్వానికి శి క్ష తక్కువ పడేలా చూస్తాను మాష్టారు 

స మా   :    నో . . . (చెంపదెబ్బ )    . . .  ఈ  గాలి , ఈ స్వేచ్చ , అనుభవిస్తూ ఈ దేశం లో  జీవిస్తూ  విశ్వాసం                              లేకుండా ఇంత  పని చేస్తాడా  నీచుడు  . నో . . . తప్పు చేసినవాడె వడైనా శి క్ష అనుభవించాల్సిందే 

                 ఫో . . .  తీసుకు ఫో   తక్ష్క్ష ణ మ్ 

అ          ;     మాష్టారు ..   మాష్టారూ 

స మా     :   నావాళ్ళు  ఇలా అయ్యారేమిటి 

                  ఈ దేశానికి  కావలసినది  వీరులే కాదు 

                  నీతి , నిజాయితీ  కలిగిన  అధి కా రులూ , ప్రజలూ  కూడా 

                               ( గుండెపోటుతో మరణిం చాడు )

మాష్టారూ ,  మాష్టారూ ... మాష్టారూ . . .